無聊雜思 #1

有幾個無聊想法

1 大法官包致金的姪女唔使坐監，很大程度是因爲被掌刮的演員.... ah sorry, 警員, D戲太渣。D戲自然少少就唔會搞到咁

不過在香港，法律面前，窮人含X，幾時都係真理，所以有人借呢單case在FB聲討公民黨其實不無道理

2 今朝903晴朗林狗話叫考評局公佈成功在會考作弊的人數，大佬ar話明成功作弊，你點會知姐？

反而薰E話交白卷人數我就真係好想知有幾多！

3 中學母校舊生會寄來會訊，有列明近10年AL成績，很高興我地保持左十幾年的史上最差畢業生紀錄終於被打破。真係唔明，轉左直資，使咁多錢upgrade校園，點解D學生D水平都仲係咁？澳洲籍校長居然仲渣過夏仔，實在始料不及

4 昨晚睇住剛剛開始學行的小女兒學站立，先發覺呢位超級巨B，其實仲係好鬼細小

5 寫完上一篇blog，想補多句: 其實命運都有得改變的。真正的快樂和幸福，其實在於"知足"，滿足於活得簡單，才懂得欣賞真正的美好就是沒有繁文縟節的束縛，沒有物質的羈絆，和沒有慾望的纏繞。有涯隨無涯，結果還是殆已。

人最悲哀的，就是我説的又要李嘉欣又要三百蚊，要有本錢才可以説想要李嘉欣的。身在福中要知福，人在困境都要明白萬事都有因由，你沒有，大概是因爲 you just dont deserve it. 想要就付出，不想要就不要去妄想，真的這麼難？