1 好耐冇睇足球了，證據:買左隻winning 2010完全唔識D人，最後用利記玩master league，起碼識謝老四。
2 冇睇波當然係因爲列斯了，闊別英冠三年，升班第一場當然順利.... 輸波。難得既係我一D都冇失望，因爲實在係意料之中。升班，走左個top striker，唔簽個有級數的replacement，簽7個都係free transfer，仲話挑戰playoff... 唔降班就唔錯了。英超夢最少要再等3年，希望呢3年教得識個女鍾意列斯 :P
3 講多筆足球: 盛傳中投要收購利記，聽落當然係比tom hicks好，不過中投出晒名搭沉船，利記比佢地相中真係唔知係咪仲衰過之前，我只係知道今年再唔反底利記同列斯好有機會響英冠大廝殺，利記個勢極有列斯的影子
4 有朋友去了摩洛哥，在網上貼相，真係佩服D地方可以保留一千年都唔變。我唔鍾意講保育，特別在香港，我地個城市根本冇歷史，保育係講歷史，唔係講記憶。點解星加坡可以commercialize古蹟我地唔可以係因爲我地的歷史冇價值。人地星加坡係國家，每件事都有改朝換代的意味，我地170年歷史，其實只係換左宗主國的殖民地。香港最值得保存的，係上海街，只有呢個地方係戰前都回歸後人民都係活生生的生活，但係肯定唔會有人提出保育果區。
anyway我想講的，係其實保育和發展其實係爲左乜野？爲人類福祉嗎？定係爲極少數人巧取豪奪找尋理由？點解人地1000千如一日，冇人話要保育，話要發展城市？其實人爲甚麼不可以活得簡單快樂？快樂是永恆的，但係點解從來又冇人話要追求自己的快樂，話要保育快樂？
5 anyway，這朋友和拍拖好幾年的伴侶分開後，這幾年跑遍世界，到過日本，澳洲，美國，西班牙，東歐，現在連非洲都去了，孓然一身快樂地遊歷，擴闊了自己的世界，成爲了更好更快樂的人。其實我也認識另外那位伴侶，那是個已經move on, 之後有了自己家庭和有小孩的人，每天在營營役役地生活，和我一樣把命賣給兒女的普通人。作爲過來人的自己，我真的會比較渴望那自由自在的生活呢。所以有時未到終點真的不能先説勝負，誰過得好實在難說。
可是我知道有得選的話，我這位朋友其實比較希望和他喜歡的人營營役役。dont be so silly, you are living a better life now. 我衷心的祝賀你，it turns out better than you realize!
沒有留言:
張貼留言