AA

有隻新的奶粉聲稱自己隻奶粉除左DHA，仲有AA, 但係響任何文宣上，極其詭異地都冇解釋AA是什麼，同埋究竟AA對bb有乜好

不過話時話，我個女食開果隻(聲稱)含豐富DHA的，除左廣告話對腦部發展好之外，我其實都晤知有乜好，而且，冇錯，我到而家都係晤鬼知DHA究竟係stand for what，再講，如果廣告屬實，我個女肯定已經比絕大部份同齡幼兒吸收更多DHA，但係我又晤覺得佢醒目過人wor

作爲家長我選而家呢隻奶粉只係因爲出世時醫生求其話呢隻都OK我地就食，奶粉呢D野根本晤會經常轉，冇得比較下，我點會知呢隻粉對個女好晤好？我淨係知佢食，食到佢而家咁款，食得痾得自然就晤會轉，話之你ABCDEFGH乜都齊。

之前都話左，而家呢個變態社會已經係以騙搵食，呢個又係一個例證。奶粉求其作個名又扮勁，騙家長買呢D甚麼粉，其實你地D藥廠知晤知你地好無恥？你隻AA真係咁巴閉，你晤講AA個全名來聽下？有乜用你晤講下？30秒airtime咁長，講埋出來晤駛額外比錢ga！個女食你隻AA 食壞左你賠番個女比我？ 再講，你地藥廠根本係已經知道自己係政府醫院的當期vendor，根本default就會用你，晤好咁做人好嗎？



我晤係想講我地食果隻好，講真我都想轉，而家買呢隻奶粉仲難過買白粉，D大陸人好似藥廠倒貼咁搶晒我地D粉，而且又收得貴過人，我又知我D錢係比晒D廣告費，你晤使賣咁多廣告ga，打個8折還更好!



不過話時話，你地要個肥肥白白高高大大的bb做代言人，我個女係得ga!!!