林彬之死

呢幾日睇新聞真係好開心，估晤到林彬先生死左四十幾年都仲可以咁爆，證明舉頭三尺有神明

我今日想幫民建聯講幾句好話

1 我堅決支持民建聯成員話林彬之死晤關香港左派事。事實上真係完全正確wor!!!

六七暴動係四人幫，紅衛兵的革命，不論你地是否支持呢D行爲，當年係搞左派共產主義革命。"香港左派"係跟住共產黨，晤係跟住共產主義，今天的共產黨有邊條係搞共產主義？

香港的真左派係社民連，民建聯係右派，香港的愛國陣營包括工聯會全Q部都係右派！多謝民建聯終於肯爲自己正名，六七暴動確實晤關佢地香港左派事

特別係陳鑑林，擺明係中產愛國人士，佢點會係左派？你叫佢點認？

2 強烈要求中聯辦封殺劉江華！話左呢個係民主派的間諜！蘋果因爲撐公投抹黑民建聯，借暴動谷投票，你作爲行會成員幫忙潑火？背住阿公搞破壞的人要打靶！

3 點解黃定光話蘋果講林彬係炒作，忍無可忍？有冇咁傻既人ar？怕乜野講先？潘小濤呢個簡直係林彬再世，個個禮拜都抹黑共產黨。佢其實仲絕過林彬，林彬都只係鬧下左派下流賤格，潘小濤直情係從理論層面打擊共產黨，呢個係共產黨的no-no！反正講乜蘋果都炒作，我係黃定光就直頭話林彬事件可能重演！連黃毓民都怕到要走佬，潘小濤晤怕死嗎？民建聯同香港"右派"晤好突然去怕香港人的目光！

anyway"香港右派"永遠都係講多錯多，如果你地真係晤知道香港人仇共的DNA係響1967年種下的話，就晤好怪人地玩足你40年，四百年後你地都晤會得民心!